Nxënësit e shkollës së mesme “Sezai Surroi” në Bujanoc, më 11.06.2022, mbajtën mbrëmjen e maturës. Restauranti “Breta Palace” ishte përgatitur enkas për maturantët.
Kjo ishte gjenerata e 50-të që përfundoi shkollimin e mesëm në gjuhën shqipe në Bujanoc. Gjithsejt ishin regjistruar 194 maturantë, vitin e përfunduan 180 prej tyre, ndërsa 167 morën pjesë në mbrëmje të maturës.
Valton Sulejmani, ndihmësdrejtor, i ndihmuar nga shërbimi i shkollës dhe kujdestarët e paraleleve: Hamdi Kamberi 4-1, Mensur Avdiu 4-2, Gzim Sopi 4-3, Medina Pajaziti 4-4, Besart Jakupi 4-5, Bekim Kasumi 4-6 dhe Rexhep Fejzullahu 4-7, bënë komplet organizimin e mbrëmjes së maturës.
Drejtori i shkollës, Zejni Fejzullahu, ndau mirënjohje për 19 maturantë të cilët gjatë shkollimit të mesëm kishin notë mesatare 5:00, duke i uruar maturantët për rrugëtim të suksesshëm në jetën e tyre.
Vlenë të ceket se atmosfera e festimit ishte në nivel të duhur. Gjithçka shkoi sipas agjendës së paraparë. Mbrëmja filloi ora 17:00, me defilimin e maturantëve para restaurantit, ndërsa përfundoi në ora 22:15.
Obligim i prindërve ishte që të bëjnë përcjelljen e maturantëve për ardhje-shkuarje.
Nga shërbimi i shkollës
